Huaraqo llaqtaqa uchuychallam
Por Fredy Roncalla
Huaraqo llaqtaqa uchuychallam. Chaypi awlitaypa wasin kara. Achka killam warma kaspay paywan wakasiyonispi tiyarani. Huaraqo chimpampi Huarquisa kachkan, chaypim milagrusu taytacha kachkan, agustu killa fiestayoq. Uq kuti Huarkisapa ladumpi supayta qaqaparusqa, kuchillo kuchusqan hina. Hinaspa awlitay nin “mamacha Marias chay llaqtanta pasachkaptin man pipas mikuchirqachu, chaysi qaqa qaqaparun” nispa.
Chaymi kuq tuta ñan Chalhuankapiña kachkaptiy Chuquingamanta kulluq chakam chimpanay karqa. Manaraq chimpayta qallarichkatiy huq payacha rikuramun, chakata chimpaykachiway nispan. Tumpata mancharikuni. Chimpachinitaq. Makin chirillaña kachkara. Chikachallata riman.
Chalhuancaman chayaykuptiyku maypiraq payaqa. Maynintaraq chinkarun, ikutaylla. Manan rikuranichu. Chayta yuyarispa kunanpas llumpayta manchakuni.
Icha chay payachaqa kinkin wañuychu karqa. Icha payqa kikin mamacha karqa llaqtan llaqtan mikunata maskakustin.
Ima llaqtakunapiraq astawan qaqarun mamakucha purichakuchkaptin.
Comentarios
Publicar un comentario
No se permiten comentarios anonimos, incendiarios, agresivos, despectivos, degradantes ni ad hominem de ningun tipo. Se requieren comentarios bien pensados. Las discrepancias deben ser debidamente sustentadas y no basarse en generalizaciones. Hawansuyo no trata de convencer a nadie de nada y estamos seguros que nos equivocamos a cada rato.