Desde la andina Bogota, Isaac Soto comparte tres poema de su reciente cosecha donde exploraba sonoridad de lo cotidiano, como novísima vol de la poesia peruana. Companamos el tercer poema con Urpitucha del Embajador de Quiquijana, donde el su8pho kukutu es lo max. Allinmi waykicha
MUNAYMAN QARAN
Sichus munayman
kayman karan
Paqpaka
Takikuyman llakita
Sach’amallkikunapi
Saqra runakunata kinchachispa
Sichus munayman
kayman karan
K'inti K'inti
T’ikakunaq hawanpi phawakuyman
Chu'nqay ch'unqaylla
Sapa t’ika misk’inta
chu'unqayukuspa wañukunayqama
Sichus munayman
kayman karan
Atoq
Wichayman
Urayman
Millay aychakunata aqtopakuspa puriyman
Wira aychallata masqhayman
Kiruykuna ismuyunanqama
Sumaqta p'atakuyman
Tukuyqama
Sichus munayman
Kayman karan
kuntur
Hanaq pachata much'ayushpa
phawaylla phawayman
Apukunata kusichispa
Intita asichispa
Yana phuyuta manchachispa
K'asakunata wasapayman
Sichus munayman
kayman karan
mach’aqway
Laqhayaq ukhupachakunapi puñukuyman
Mushphakuyman
Millay runakunaq
Khilli sonqonkuta
Manchachiyman
Uywa kayman
Allin kayman.
LAKAWITI UCHU
Sumaqta t'impiyushan manqa
Kusisqa sikinta maywiyuspa
Qosina patapi
Ñawpaqri q'oncha patapi
Q'osñita mushkhi muskhiyuspa
Sikitakana akhawasipi hina
Yawrarin yawrarin sonqoy
Chinqarin chinqarin yuyay
Laqawiti uchu
Qholla qhollallamanta
Poqoruspaqa roqotuta munanqa
Sikisapaqa ch'uyallañan
Laqawiti uchu
Q'omer habaschayuq
Qhose ñawiki hina
Kisu sapacha
Asnapa t'aqachayuq
Sinnka aysarina
kallu misk’irina.
SUPHUKUTUTU
Suphukututu hinalla
Muyupayakurayki
Tutawp'unchawtin
Kuurp kuurp
Nispa
Qantaq
Qanman tukusqa
Qanman sayasqa
Qhawarikuwarankichu
Uyarikuwarankichu
Kunantaq
ishmusaq kiruyki qashaqtin
Q'achuta haywanayta munanki
Sut'uchita qaranayta munanki
Kuurrp kuurrp
Qanmachu
Chhayna
Mana munakuq
Mana khuyakuq
Suphukututu hina
Murukututu qaqlla.
Comentarios
Publicar un comentario
No se permiten comentarios anonimos, incendiarios, agresivos, despectivos, degradantes ni ad hominem de ningun tipo. Se requieren comentarios bien pensados. Las discrepancias deben ser debidamente sustentadas y no basarse en generalizaciones. Hawansuyo no trata de convencer a nadie de nada y estamos seguros que nos equivocamos a cada rato.