Amaya wañuychikchu
Ichachus Andahuaylaspi David Atiquipa Quispe, icha Ilavepipas wawqillay Isidro Arcata, Amaya wa
Sipisunki haqarwaypa balan hinaptinmi sunqullay, qampa sunquyki qakatyachkan wawqichallay Rolando Marcos Arango; amaraq wañuychu, aya kawituykiwanmi chakanata llaqllachkaniku awqakuna ankallaptin yawar mayuman wantunaykupaq.
Piypa balanmi wañuchisuranki panichallay Sonia, Macusani pampapi; wawachaykikunawan kuskam waqachkaniku, chiqnim wiqillaykupi taqtikaykamun chay ayachaq warmipaq; qatarimuspayki muchaykaysiwayku ñawillaykiyta chay hanaymanta killawan kuska yana musquyman tanqaysiwanaykikupaq.
Ayacuchupiñam bumbachata tuqyaykychkan kikin cabitospa punkunpi, Leonardo Hancco wawqiy, ayallay yanapaqtam wañuchichkan gobiernupa najachunkuna; yawarniykitam llikllapipas imapipas sutuychanta sutuychantapas huluchkani samayniyki guerrapi yanapawanankupaq, kallpaykuwanqa haqarwaytapas llallisaqkum.
Way juliacamanñataq chimpaykun kunan pachapas millay warmipa wiqrun tawar suquq supay runakuna,
qaykaptaq pichqaymanta kutinpamunkichik ñuqa kawsanaypaq qañuqkuna; sunqullaymi taqtikuykun UPA mayuman, Icha ñuqapas willkaypas allin kawsakunaykupaq wañukurankichik Punopipas Ayacuchopipas Andahuaylaspipas Limapipas intipa kuyasqan runa massiykuna.
Ichaqa sunquymi kawituykuchikpipas chutarayachkan...
Comentarios
Publicar un comentario
No se permiten comentarios anonimos, incendiarios, agresivos, despectivos, degradantes ni ad hominem de ningun tipo. Se requieren comentarios bien pensados. Las discrepancias deben ser debidamente sustentadas y no basarse en generalizaciones. Hawansuyo no trata de convencer a nadie de nada y estamos seguros que nos equivocamos a cada rato.